Vefstjóri SKA

Auglýst er eftir áhugasömum einstaklingi sem er tilbúinn til þess að setja inn fréttir og upplýsingar um viðburði inn á vefsíðu SKA. Vefsíða SKA er mikilvægur upplýsingamiðill fyrir iðkendur, foreldra og aðra áhugasama um skíðaiðkun. Markmiðið er að halda vef SKA sem lifandi og skemmtilegum miðli með upplýsingagildi að leiðarljósi.

Áhugasamir hafi samband við formann SKA, Hildigunni Svavarsdóttur í síma 8600588

Sundferð hjá skíðakrökkunum

 Þá er sumarið á enda og ætlum við að byrja á því að hrista skíðakrakkana okkar saman fyrir komandi vetur. Við ætlum að hittast næstkomandi laugardag í sundlaug Akureyrar kl 13:00.

Íris Guðmundsdóttir landsliðskona lenti í því óhappi í gær þegar hún var á stórsvigsæfingu í Sviss að hrasa og slasaðist hún við það á hné. Hún er  búin að fara í skoðun í Sviss  en kemur heim  til Kongsberg á morgun fimmtudag og fer þá í myndatökur til að sjá betur hvað hefur gerst.

Þó að útlitið sé ekki gott eins og er vona allir það besta og að sögn móður Írisar er Íris nokkuð brött og bjartsýn á framhaldið, svo er bara að sjá til.

Sendum þeim okkar bestu kveðjur með von um skjótan bata.

SKA.

Undirbúningsæfingar  hjá 13 ára og eldri  í alpagreinum verða á mánudögum og föstudögum kl. 17.00 í umsjón Rúnars Kristinssonar. Mæting við Þrekhöllina. Á miðvikudögum verða æfingar í umsjón Jóns Viðar. Þær æfingar fara fram í  íþróttahúsinu við Laugargötu kl. 19.00.

Æfingar hjá 12 ára og yngri byrja um næstu mánaðarmót og verði það auglýstar nánar þegar nær dregur.

Alpagreinanefnd.

Landsliðshóp SKI skipa:
Erla Ásgeirsdóttir BBL, Fanney Guðmundsdóttir Ármanni, Freydís Halla Einarsdóttir Ármanni, Írís Guðmundsdóttir SKA, Katrín Kristjánsdóttir SKA, María Guðmundsdóttir SKA, Brynjar Jökull Guðmundsson Víking , Jakob Helgi Bjarnason Dalvík, Jón Gauti Ástvaldsson Víking, Róbert Ingi Tómasson SKA, Sigurgeir Halldórsson SKA og Sturla Snær Snorrason Ármanni.

Haustæfingar að hefjast

Vadim Gusev og Veroniku Lagun þjálfarar í skíðagöngu hafa framlengt samning sinn við SKA.  Þau eru bæði menntaðir íþróttakennarar, Vadim með skíðagöngu sem sérgrein og Veronika skíðaskotfimi.  Þá hafa þau bæði reynslu úr heimsmeistaramótum auk þess sem Vadim tók þátt í Ólympíuleikunum 2006.

Auk þjálfunar hjá SKA starfar Veronika sem íþróttakennari við Síðuskóla og Vadim vinnur hjá Slippnum Akureyri.

Vadim og Veronika eru búin að vera með með æfingar í gangi í allt sumar og hafa gert það í sjálfboðavinnu.  Núna í september verður svo byrjað á formlegum haustæfingum.  Vadim verður með æfingar fyrir 13 ára og eldri og Veronika verður með sameiginlegar haustæfingar alpa- og gönguiðkenda 12 ára og yngri.  Æfingatímar verða auglýstir á næstunni en fyrsta æfingin hjá 12 ára og yngri verður sunnudaginn 5. september klukkan 11:00 í Kjarnaskógi

Skíðadeild Breiðabliks stendur fyrir Kópaþreki fyrstu helgina í október. Kópaþrek er fyrir káta skíðakrakka sem æfa alpagreinar og göngu og eru  13. til 16. ára  (1994-1997)  Dagskráin verður send út um leið og hún verður klár, en búast má við einhverjum áherslubreytingum þar sem nýjir aðilar koma nú að æfingunum. Keppst er að því að gera helgina sem skemmtilegasta fyrir þátttakendurna og vonum við að allir hafi gaman af. (Frétt tekin af ski.is)

Fyrsta alpagreina-úti-þrekæfing haustsins verður á morgun miðvikudag 18.  ágúst kl. 17:00 Mæting við þrekhöllina þar sem Jón Viðar og Rúnar Ingi taka á móti ykkur og fara yfir planið næstu vikurnar.  Allir að mæta og taka vel á því.

Nefndin.