Isak að gera góða hluti á norska meistaramótinu

Isak Stiansson Pedersen, landsliðsmaður, og Gígja Björnsdóttir bæði SKA kepptu á sprettgöngu á norska meistaramótinu í dag.

Isak hefur verið á mikilli siglingu upp á síðkastið og í dag gerði hann sér lítið fyrir og varð númer 24 af 130 keppendum. Með þessum árangri komst hann í fjórðungsúrslit sprettgöngunnar. Isak fékk fyrir gönguna 60 FIS punkta og eru það lang bestu punktar sem að hann hefur fengið hingað til. Skákaði hann meðal annars norskum landsliðsmönnum og var með aðra rétt á undan sér. Úrslit sprettgöngunnar má sjá HÉR.

Nánari fréttir af landsliðsfólkinu má sjá á heimasíðu SKÍ.

Gígja keppti líka í sprettgöngu í dag og varð númer 63. Gígja keppti einnig í 10 km skíðagöngu með frjálsri aðferð í gær. Úrslit af mótinu má finna hér.