Sonja Lí Kristinsdóttir keppir á Heimsmeistaramóti unglinga

Heimsmeistaramót unglinga fer fram í Tarvisio á Ítalíu þessa dagana.

Sonja Lí Kristinsdóttir tekur þar þátt fyrir Íslands hönd og er jafnframt eini íslenski keppandinn í kvennaflokki.

Í gær tók Sonja þátt í stórsvigi og endaði þar í 51. sæti með rásnúmer 96., en úrslit má sjá hér.

Á morgun miðvikudag keppir Sonja í svigi og er með rásnúmer 81.

Fyrri ferð hefst kl. 08:00 á íslenskum tíma og sú seinni kl. 11:00, en hægt er fylgjast með í beinni á FIS TV og á Youtube.